Seolann Seirbhís Ealaíon Chomhairle Contae Chill Dara Deontais agus Duaiseanna-Sparánachta Cruthaitheachta agus Ealaíon 2026
Tá lúcháir ar Sheirbhís Ealaíon Chomhairle Contae Chill Dara a fhógairt go bhfuil an tréimshe iarratas á n-oscailt dá sraith Deontas Cruthaitheacha agus Ealaíon agus dá Dámhachtainí Sparánachta 2026. Tá 15 dheis ar fáil idir dheontais, choimisiúin agus sparánachtaí éagsúla, a dearadh le tacú le healaíontóirí, le lucht cruthaitheachta, grúpaí ealaíon, grúpaí pobail agus grúpaí óige ar fud Chontae Chill Dara sa bhliain amach romhainn.
I measc na nDeontas agus na nDuaiseanna-Sparánachta atá ar fáil tá:
- Scéim Deontais um an Acht Ealaíon
- Duais na nEalaíon, na Sláinte agus na Folláine
- Duais um Choimisiúnú d’Oíche Chultúir 2026
- Duaiseanna-Sparánachta Liteartha Dennis O'Driscoll (do scríbhneoirí atá ag teacht chun cinn agus do scríbhneoirí aitheanta)
- Duais-Sparánachta Scoil Samhraidh Drama League of Ireland
- Duais Taispeántais Aonair d'Ealaíontóirí atá ag Teacht Chun Cinn, i gComhpháirtíocht le hIonad Ealaíon Bhruach na hAbhann (Riverbank)
- Duais-Sparánachta um Chóitseáil Feidhmiúcháin do Ghairmithe Cruthaitheacha
- Duais na Chéad Choicíse, i gComhpháirtíocht leis an bhFhéile 'An Chéad Choicís' (First Fortnight)
- Gradam um Fhoilsitheoireacht Áitiúil
- Duais-Sparánachta Stiúideo Taifeadta Platform 4 (Recording Studio)
- Duais-Sparánachta Taighde agus Smaointeoireachta
- Duais-Sparánachta Gearrscannán Short Grass (€1,500)
- Duais um Choimisiúnú Gearrscannán Short Grass (€14,000)
- Duais-Sparánachta Cónaitheachta Ionad Tyrone Guthrie
- Duais-Sparánachta Cónaitheachta um Ealaíona don Óige
Tá an tairseach iarratas ar oscailt anois agus is féidir iarratais a chur isteach ar líne ag: https://kildarecocoarts.submit.com/
Dé hAoine, an 27 Feabhra 2026 ag 12pm an spriocdháta d'fhormhór na nduaiseanna-sparánachta. Tabhair faoi deara, áfach, go bhfuil an spriocdháta do Dhuaiseanna-Sparánachta Scoil Samhraidh Drama League of Ireland níos luaithe ná na cinn eile: ag 12pm Dé Luain, an 26 Eanáir 2026. Fógrófar sonraí maidir leis an Duaiseanna-Sparánachta Cónaitheachta i dtaca leis na hEalaíona san Oideachas agus na Seisiúin nua Comhairle Gnó d'Ealaíontóirí, i gcomhpháirtíocht le hOifig Fiontair Áitiúil Chill Dara (OFÁ), i mí Feabhra 2026.
Seisiúin Faisnéise 2026: Chun tacú le hiarratasóirí, óstálfaidh Seirbhís Ealaíon Chomhairle Contae Chill Dara sraith seisiún eolais saor in aisce ag láithreacha ar fud an chontae:
- Ar líne: Dé Céadaoin, 14 Eanáir, 1pm – 2 pm
- Ionad Ealaíon Bhruach na hAbhann (Riverbank): Déardaoin, an 15 Eanáir, 6 pm – 7.30 pm
- Leabharlann Chill Droichid: Dé Sathairn 17 Eanáir, 10.30 am – 12 pm
Tá fáilte roimh chách, ach moltar áirithint a dhéanamh roimh ré tríd an tairseach ar líne:
